სამაშველო ოპერაციის გამო, გუდაურის გზაზე ტრანსპორტის მოძრაობა დროებით ისევ აიკრძალა. ინფორმაციას საავტომობილო გზების დეპარტამენტი ავრცელებს.
"გუდაურთან, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 94-ე კმ-ზე, შსს შესაბამისმა სამსახურებმა სამაშველო სამუშაოები განაახლეს, რის გამოც, აღნიშნულ მონაკვეთზე ყველა სახის ავტოტრანსპორტის მოძრაობა დროებით კვლავ აიკრძალა", - ნათქვამია დეპარტამენტის განცხადებაში.
