საქართველოს მე-5 პრეზიდენტმა, სალომე ზურაბიშვილმა ბრიტანეთის პარლამენტის საგარეო ურთიერთობათა კომიტეტს სიტყვით მიმართა.
სესიაზე დეზინფორმაცია რუსეთის ჩარევისა და საქართველოში ჩატარებული 2024 წლის ოქტომბრის სადავო არჩევნების კონტექსტში განიხილეს.
სალომე ზურაბიშვილმა, რომელიც კომიტეტს ონლაინ ჩაერთო, ასევე უპასუხა კომიტეტის წევრების კითხვებს. მან ისაუბრა საქართველოში ჩატარებულ არჩევნებზე, ქვეყანაში არსებულ ვითარებაზე, "ქართული ოცნების" შეცვლილ საგარეო პოლიტიკაზე, რომელიც დისტანცირდა დასავლეთისგან, პრორუსულ ნარატივზე და ჩინეთთან გაზრდილ კავშირებზე, ასევე უშუალოდ ბიძინა ივანიშვილის როლზე და მისი სანქცირების საკითხზე, რასთან დაკავშირებითაც ე.წ. ოფშორების კანონს შეეხო, როგორც სანქციებისგან თავის არიდების ინსტრუმენტს, მან აღნიშნა ის ცვლილებებიც, რაც სანქციების მიმართულებით ეროვნულმა ბანკმა გასულ წელს მიიღო და ა.შ.
