საქართველოს პრეზიდენტი სალომე ზურაბიშვილი აცხადებს, რომ დნესტრისპირეთის რეგიონში განვითარებული მოვლენებით შეშფოთებულია.
როგორც სალომე ზურაბიშვილი Twitter-ზე წერს, ევროპის უფრო მეტად დესტაბილიზაციის ნებისმიერი მცდელობა ყოველი ჩვენგანისთვის რისკია.
"ძალიან შეშფოთებული ვარ დნესტრისპირეთში განვითარებული მოვლენებით. ჩემი სრული სოლიდარობა პრეზიდენტ მაია სანდუსა და სრულიად მოლდოვას! ევროპის უფრო მეტად დესტაბილიზაციის ნებისმიერი მცდელობა ყოველი ჩვენგანისთვის რისკია", - წერს სალომე ზურაბიშვილი.
