საქართველოში გამოკითხულთა 18% არასოდეს იყენებს ინტერნეტს და სოციალურ მედიას. ამას საერთაშორისო რესპუბლიკური ინსტიტუტის (IRI) ახალი საზოგადოებრივი აზრის კვლევა (Center for Insights in Survey Research) აჩვენებს.
გამოკითხვის მიხედვით, ინტერნეტს ან სოციალურ მედიას 70% ყოველდღიურად ან თითქმის ყოველდღიურად იყენებს. 8% - კვირაში რამდენიმეჯერ, 1% - ყოველკვირეულად, 1% - ყოველთვიურად, 3% კი უფრო იშვიათად.
რაც შეეხება სოციალური მედიის გამოყენებას, გამოკითხულთა 96% ამბობს, რომ „ფეისბუქის“ მომხმარებელია, „ინსტაგრამს“ – 26% იყენებს, „ტიკტოკს“ – 17%, „ტელეგრამს“ – 5%, „ტვიტერს“ – 3%, „ლინკდინს“ – 2%.
