უკრაინის თავდაცვის ყოფილი მინისტრი ანატოლი გრიცენკო საქართველოს ხელისუფლებას აკრიტიკებს და აღნიშნავს, რომ "ასეთი ხელისუფლებით საქართველო უკრაინის სტრატეგიული პარტნიორი ვეღარ იქნება".
"ომი ყველაფერს შავ-თეთრს ხდის. მეგობარი მტერია, შენიანი კი უცხო. საქართველოს მოქმედი ხელისუფლება ჩვენთვის უცხოა. როგორ მოიქცევა ქართული ერი, რომელსაც ჩვენ ყველანაირად ვეხმარებოდით 2008 წელს, მაგას ვნახავთ. ისეთი საქართველო, როგორიც დღეს არის, იმ ხელისუფლებით და მოქალაქეებით, რომლებიც ასეთ ხელისუფლებას ირჩევენ და ითმენენ, ვეღარ იქნება ჩვენი სტრატეგიული პარტნიორი (როგორც აქამდე ითვლებოდა). ასეთი საქართველოს მიღება არც ევროკავშირს და არც ნატოს მოუნდება. ამიტომ საქართველოს მოსახლეობამ უნდა იფიქროს და ჩამოყალიბდეს, სურს თუ არა, რომ მას სანდო პარტნორი უწოდონ", - წერს გრიცენკო Fაცებოოკ-ზე და საქართველოს პრემიერმინისტრის ირაკლი ღარიბაშვილის კომენტარს აქვეყნებს, სადაც ის სანქციების რუსეთისთვის სანქციების არდაწესებაზე ლაპარაკობს.
გრიცენკო ამბობს, რომ საქართველოს ხელისუფლება თავს იმართლებს.
