საბერძნეთში, ქალაქ კავალასთან ახლოს, საბრძოლო მასალით დატვირთული უკრაინული წარმოების თვითმფრინავი ჩამოვარდა. თვითმფრინავი სერბეთიდან იორდანიაში მიდიოდა.
შემთხვევა შაბათს ღამით, ადგილობრივი დროით 23:00 საათზე მოხდა. საბერძნეთის სამოქალაქო ავიაციის სამსახურმა შეტყობინება მიიღო თვითმფრინავის ერთ-ერთ ძრავასთან დაკავშირებულ პრობლემაზე, პილოტი ავარიული დაშვებისთვის ნებართვას მოითხოვდა.
თვითმფრინავს შესთავაზეს დაშვებულიყო თესალონიკში ან კავალაში. პილოტმა კავალასის აეროპორტში დაშვება გადაწყვიტა, თუმცა ის აეროპორტიდან 40 კილომეტრში ჩამოვარდა. როგორც თვითმხილველები ამბობენ, დაშვების შემდეგ მათ აფეთქების ხმა გაიგეს.
თვითმფრინავში 8 ადამიანი იმყოფებოდა ისინი ადგილზე დაიღუპნენ.
