რუსთაველის გამზირზე უკრაინის სოლიდარობის აქცია მიმდინარეობს. პარლამენტის წინ მოქალაქეები რუსეთის აგრესიასთან მებრძოლს მეგობარ ქვეყანას კიდევ ერთხელ უცხადებენ მხარდაჭერას და თანადგომას გამოხატავენ გმირი უკრაინელი მებრძოლებისა და ხალხისადმი.
აქციის დასაწყისში შესრულდა საქართველოს და უკრაინის სახელმწიფო ჰიმნები.
აქციას უერთდებიან პოლიტიკოსები ოპოზიციიდან, სხვადასხვა უმაღლესი სასწავლებლების სტუდენტები, საზოგადოებისთვის ცნობილი სახეები და რიგითი მოქალაქეები. სოლიდარობის აქციას არ უერთდება საქართველოს ხელისუფლება.
დღეს რუსეთის უკრაინაში შეჭრიდან ზუსტად 1 წელი გავიდა.
