რუსეთის საერთაშორისო საქმეთა ფედერაციის საბჭოს კომიტეტის თავმჯდომარე გრეგორი კარასინი იმედოვნებს, რომ რუსეთი საქართველოსთან პირდაპირი ავიამიმოსვლის აღდგენაზე მუშაობას გააგრძელებს. ამის შესახებ ინფორმაციას TASS-ი ავრცელებს.
კარასინი აღნიშნავს, რომ პანდემიამდე მხარეები რუსეთ-საქართველოს შორის პირდაპირი ფრენების აღდგენის საკითხის გადაწყვეტასთან საკმაოდ ახლოს იყვნენ. „ვიმედოვნებთ ამ მიმართულებით მუშაობას გავაგრძელებთ. სამწუხაროდ, კოვიდმა ამას ხელი შეუშალა. ვიმედოვნებთ, რომ ახლა ვითარება დასტაბილურდება“, - აღნიშნა მან.
გრეგორი კარასინმა მედიასთან აღნიშნა, რომ ზოგადად რუსეთთან ურთიერთობების დარეგულირების საკითხში საქართველოს პრემიერ-მინისტრის სპეციალურ წარმომადგენელთან ზურაბ აბაშიძესთან კომუნიკაცია გრძელდება და საუბრები იმაზე, რომ ეს ფორმატი გაყინულია, უადგილოა. ამის შესახებ მან გამოცემასთან საერთაშორისო ეკონომიკური სამიტის „რუსეთი - ისლამური სამყარო: KazanSummit 2022”-ზე დასწრებისას ისაუბრა.
შეგახსენებთ, რომ რუსეთ-საქართველოს შორის პირდაპირი ავიამიმოსვლა 2019 წლის 8 ივლისიდან შეწყდა.
