რუმინეთის პრეზიდენტ კლაუს იოჰანისი განცხადებით, მიესალმება რუმინეთში საქართველოს პრეზიდენტ სალომე ზურაბიშვილის ვიზიტს, რომლის ფარგლებშიც ხელი მოეწერა ახალი სტრატეგიული პარტნიორობის დეკლარაციას და შეიქმნა ისტორიული მომენტი ორმხრივ ურთიერთობებში.
„მინდა, მივესალმო საქართველოს პრეზიდენტ სალომე ზურაბიშვილის ვიზიტს რუმინეთში, კეთილი იყოს თქვენი მობრძანება რუმინეთში. ქალბატონო პრეზიდენტო, თქვენს ვიზიტ აქვს ძალიან სიმბოლური დატვირთვა, წელს სრულდება სამი ათწლეული მას შემდეგ, რაც აღვადგინეთ დიპლომატიური ურთიერთობები საქართველოსა და რუმინეთს შორის. გარდა ამისა, ჩვენ შევქმენით ისტორიული მომენტი ჩვენს ორმხრივ ურთიერთობაში, მოვაწერეთ ხელი სტრატეგიული პარტნიორობის დეკლარაციას. ამ საერთო დეკლარაციის ხელმოწერის მეშვეობით, ქალბატონ პრეზიდენტთან ერთად, ჩვენ საფუძველი ჩავუყარეთ სტრატეგიულ პარტნიორობას რუმინეთსა და საქართველოში, ისე როგორც, ჩვენ ეს შევათანხმეთ 2019 წელს ნიუ იორკში.
ჩვენი სტრატეგიული პარტნიორობის ფარგლებში გავაუმჯობესებთ ურთიერთობებს ტრანსპორტის, ენერგეტიკის, ასევე პირადი და სხვადასხვა ადამიანთა შორის ურთიერთობების კუთხით. გარდა ამისა, ჩვენ გვექნება სტრატეგიული პარტნიორობა, რომელიც ევროატლანტიკური პარტნიორობის ფარგლებში, გააღრმავებს და გააუმჯობესებს მას, აღმოსავლეთ პარტნიორობის ფარგლებში ასევე გააუმჯობესებს უსაფრთხოების სფეროს თანამშრომლობას“, – განაცხადა რუმინეთის პრეზიდენტმა სალომე ზურაბიშვილთან ერთად გამართულ პრესკონფერენციაზე.
ამასთან, რუმინეთის პრეზიდენტ კლაუს იოჰანისის განმარტებით, რუმინეთი საქართველოს ევროატლანტიკური მისწრაფებების ერთ-ერთ ყველაზე მნიშვნელოვან მხარდამჭერად რჩება.
„მინდა, კიდევ ერთხელ მოგილოცოთ, რომ მიიღეთ ევროპული პერსპექტივა ივნისში. რასაკვირველია, ინტეგრაცია გულისხმობს სხვადასხვა სტრუქტურულ, რთულ რეფორმას, რომელიც მნიშვნელოვანია პოლიტიკური კუთხით, პოლიტიკურ სისტემაში და ძალისხმევას მოდერნიზაციის, დემოკრატიზაციის კუთხით, რაც მნიშვნელოვანი ელემენტებია საქართველოს ევროკავშირში გაწევრიანების კუთხით. კიდევ ერთხელ მინდა, დაგარწმუნოთ, ქალბატონო პრეზიდენტო, რომ რუმინეთი თქვენი პარტნიორია ამ პროცესში.
გამოვიყენებ ამ შესაძლებლობას და გადმოგცემთ განსაკუთრებულ გზავნილს იმასთან დაკავშირებით, რომ ძალიან დიდი მხარდაჭერა გვაქვს თქვენი რეფორმების მხრივ, ამავდროულად, რუმინეთი მხარს უჭერს საქართველოს ევროატლანტიკურ მისწრაფებებეს, ეს ხდება რა თქმა უნდა 2008 წლის ბუქარესტის სამიტის თანახმად და ეს გახლავთ ჩვენი მხარდაჭერის კონკრეტული გამოხატულება“, – აღნიშნა რუმინეთის პრეზიდენტმა.
