გარემოს ეროვნული სააგენტოს ინფორმაციით, პირველ ნოემბერს დასავლეთ საქართველოში მოსალოდნელია წვიმა, ზოგან ძლიერი.
სინოპტიკოსების პროგნოზით, ასევე მოსალოდნელია დასავლეთის მიმართულების ძლიერი ქარი, ხოლო ზღვაზე შესაძლებელია 3-4 ბალიანი შტორმული ღელვა.
ამასთან, მაღალმთიან რეგიონებში ზოგან მოსალოდნელია თოვლი.
„მოსალოდნელმა ძლიერმა ნალექებმა შესაძლებელია, საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აცხადებენ გარემოს ეროვნულ სააგენტოში.
