მსოფლიოში ყველაზე ძლიერი რაკეტა Artemis I მთვარეზე დღეს უნდა გაფრენილიყო, მაგრამ მისი გაშვება ტექნიკური პრობლემის გამო გადაიდო.
როგორც CNN იუწყება, Artemis I -ის გაშვება გადაიდო მას შემდეგ, რაც გუნდმა ვერ შეძლო პრობლემის გადაჭრა რაკეტის ოთხი ძრავიდან ერთ-ერთზე. პრობლემა გაშვებამდე დაახლოებით 1 საათით ადრე აღმოაჩინეს. რაკეტის გაშვების შემდეგი შესაძლებლობა არის 2 სექტემბერს, მაგრამ ეს დამოკიდებული იქნება იმაზე, თუ როგორ წარიმართება ტესტირება.
ცნობისთვის, Artemis I სატესტო ფრენა ეკიპაჟის გარეშე ჩაივლის და საფუძველს ჩაუყრის კოსმოსის ღრმა შესწავლის ახალ ფაზას, რომელიც ორიენტირებულია ადამიანის მთვარეზე დაბრუნებასა და მის მიღმა გასვლაზე.
