ეროვნულმა ბანკმა სესხის გამცემი სუბიექტი ჯამში 18 000 ლარით დააჯარიმა. ამის შესახებ ინფორმაციას სებ-ი ავრცელებს.
საუბარია შპს „იუნაითედ კაპიტალზე, რომელსაც ეროვნული ბანკის განმარტებით, რამდენიმე დარღვევა დაუდგინდა.
კერძოდ:
სესხის გამცემ სუბიექტს საქართველოს ფინანსური მონიტორინგის სამსახურში პირველადი აღრიცხვის ფორმა წარდგენილი ჰქონდა დაგვიანებით. ხოლო, სესხის გამცემი სუბიექტი საქართველოს ეროვნულ ბანკში დარეგისტრირდა 2021 წლის 21 ოქტომბერს. აღნიშნულისთვის დაჯარიმდა 5 000 ლარით;
სესხის გამცემი სუბიექტის მიერ შემოწმების პროცესში ეროვნული ბანკისთვის ინფორმაციის/დოკუმენტაციის არასწორად წარმოდგენის 2 ფაქტი, რაც ითვალისწინებს დაჯარიმებას თითოეულ ფაქტზე 2 000 ლარის ოდენობით. 2 დარღვევისთვის ჯამში 4000 ლარით;
სესხის გამცემი სუბიექტის მიერ რისკის შესაბამისად ხელმძღვანელობისგან პირთან საქმიანი ურთიერთობის დამყარების თაობაზე ნებართვის მიუღებლობის (გარდა პოლიტიკურად აქტიური პირისა) 1 ფაქტი, რაც ითვალისწინებს დაჯარიმებას 2 000 ლარის ოდენობით;
სესხის გამცემი სუბიექტის მიერ კლიენტის საქმიანობის არსის დაუდგენლობის 2 ფაქტი, რაც ჯამურად ითვალისიწინებს დაჯარიმებას 4 000 ლარის ოდენობით;
სესხის გამცემი სუბიექტის მიერ (მათ შორის, კლიენტის სახელით მოქმედი პირის) იდენტიფიკაციის/ვერიფიკაციის გარეშე მომსახურების გაწევის 1 ფაქტი, რაც ითვალისწინებს დაჯარიმებას 1,000 ლარის ოდენობით;
სესხის გამცემი სუბიექტის მიერ ფულის გათეთრებისა და ტერორიზმის დაფინანსების რისკის ზედამხედველობის ანგარიშგებით ეროვნული ბანკისთვის არასწორი ინფორმაციის წარდგენის შემთხვევის 2 ფაქტი, რისთვისაც სულ დაჯარიმდა სულ 2 000 ლარის ოდენობით.
შედეგად, აღნიშნული დარღვევებისთვის „იუნაითედ კაპიტალი“ დაჯარიმდა ჯამში 18 000 ლარით.
