რუსეთის პრეზიდენტმა, ვლადიმერ პუტინმა ინდონეზიის პრეზიდენტის, ჯოკო ვიდოდოს მიწვევა მიიღო და ბალიზე 15-16 ნოემბერს დაგეგმილ „დიდი ოცეულის“ სამიტს დაესწრება.
ინფორმაციას რუსული მედია პრეზიდენტის თანაშემწის, იური უშაკოვზე დაყრდნობით ავრცელებს.
ჟურნალისტები დაინტერესდნენ, რა ფორმატში მიიღებს ვლადიმერ პუტინი სამიტში მონაწილეობას, მას პირადად დაესწრება თუ ვიდეო მიმართვის რეჟიმში, პრეზიდენტის თანაშემწე იმედს იტოვებს, რომ პანდემია საშუალებას მისცემს მონაწილეებს, რომ სამიტი ამჯერად მაინც არ გაიმართოს დისტანციურად.
„დიდი ოცეულის“ სამიტში უკრაინის პრეზიდენტი ვოლოდიმირ ზელენსკიც მონაწილეობს.
