საინფორმაციო სააგენტო „როიტერის“ ინფორმაციით, პოლონეთ-უკრაინის საზღვართან, სოფელ პშევოდოვში აფეთქების შედეგად ორი ადამიანი დაიღუპა.
„მეხანძრეები ადგილზე საგანგებო რეჟიმში მუშაობენ. ჯერ უცნობია, რა მოხდა“, – განაცხადა „როიტერთან“ საუბარში ერთ-ერთმა მეხანძრემ.
მანამდე პოლონურმა მედიასაშუალებებმა გაავრცელეს არაოფიციალური ინფორმაცია, რომლის მიხედვითაც, რუსეთიდან ნასროლი ორი რაკეტა პოლონეთის ტერიტორიაზე ჩავარდა. მედიის ცნობით, ამ ეჭვს ის გარემოებაც იწვევს, რომ რამდენიმე საათის წინ პოლონეთის პრემიერმა უშიშროების საბჭოს საგანგებო სხდომა მოიწვია. უშიშროების საბჭოს შეკრების ოფიციალური მიზეზი უცნობია.
