ევროპარლამენტარი ვიოლა ფონ კრამონი წერს, რომ ირაკლი ღარიბაშვილს პირადად სთხოვა შეხვედრა ბრატისლავაში Globsec-ის უსაფრთხოების საერთაშორისო ფორუმზე, თუმცა პასუხი ვერ მიიღო. ამ თემაზე მან Twitter-ზე დაწერა.
ამ ფორმით კრამონმა უპასუხა "დროას" პოსტს, სადაც ნათქვამი იყო, რომ ირაკლი ღარიბაშვილმა პარლამენტში სიტყვით გამოსვლის დროს თქვა, რომ სალომე სამადაშვილი და ოპოზიციის ნაწილი ბრიუსელში კარ და კარ დადიოდნენ და ევროპარლამენტარებს არ მიეცათ საქართველოსთვის კანდიდატის სტატუსი.
"მე კი მას პირადად ვთხოვე GLOBSEC-ზე ბრატისლავაში შეხვედრა. სამწუხაროდ, პასუხი არ ყოფილა. მე ნამდვილად ვნანობ ამას. მაგრამ სხვა რა შეგვეძლო?", - წერს კრამონი.
