პენტაგონი უკრაინისთვის 182 მილიონი დოლარის ღირებულების საზენიტო-სარაკეტო კომპლექს „ნასამს“ შეიძენს.
თავდაცვის უწყებამ კონტრაქტი უკვე გააფორმა ამერიკულ კომპანია „რეითეონთან“. საუბარია ექვს ერთეულზე.
სისტემების მიწოდების ბოლო თარიღად 2024 წლის 23 აგვისტო განისაზღვრა.
შეგახსენებთ, ვაშინგტონმა უკრაინას დამატებით 3 მილიარდი დოლარი გამოუყო. აღნიშნული საზენიტო-სარაკეტო სისტემები სწორედ ამ თანხიდან დაფინანსდება.
