ქუთაისლებს, რუსთაველებს, თელაველებს, ზუგდიდელებს, ბათუმელებს (ყველა სხვას), ოპოზიციონერი მერის არჩევით, ეძლევათ უნიკალური შესაძლებლობა დიდი პოლიტიკა მოიყვანონ საკუთარ ქალაქებში, - ამის შესახებ ეროვნული ბანკის ყოფილი პრეზიდენტი გიორგი ქადაგიძე წერს.
"ეს კი ნიშნავს, ამ ქალაქების გამოცოცხლებას, მეტ ყურადღებას, ახალ იდეებს, ახალ პროექტებს, მეტ დეცენტრალიზაციას, მეტ ფინანსებს და რეალურ სასიკეთო ცვლილებებს. პ.ს. სად გვინახავს ცენტრალური ხელისუფლებისგან ოპოზიციური მერი? უკლებლივ ყველა განვითარებულ ქვეყანაში, უკლებლივ ყველაში!", - წერს გიორგი ქადაგიძე.
