საზოგადოებრივი ჯანდაცვის ექსპერტი, პროფესორი გიორგი ფხაკაძე ფიქრობს, რომ საქართველოში კოვიდპასპორტი უნდა გაუქმნდეს. აღნიშნულის შესახებ მან ცოტა ხნის წინ სოციალური ქსელის პირად გვერდზე დაწერა.
"კოვიდ პასპორტი უნდა გაუქმდეს. უნდა იყოს მხოლოდ ვაქცინაციის საბუთი!" - წერს ფხაკაძე.
ცნობისთვის, საქართველოში მოქმედი კოვიდპასორტი მოიცავს და ითვალისწინებს ინფორმაციას ვირუსის გადატანის, ვაქცინაციისა და ტესტის შესახებ.
გიორგი ფხაკაძე საქართველოში კოვიდ 19-ის ახალი შტამის „ომიკრონის“ გამოჩენას სოციალურ ქსელში ეხმაურება და კიდევ ერთხელ ადასტურებს, რომ ამ ეტაპზე ქვეყანაში ჯანდაცვის მენეჯმენტის შეცვლა დაუშვებელია.
„როდემდე არ უნდა დამიჯეროთ. ჯანდაცვის სისტემის ჩემზე ჩაბარებას ვერავინ გაბედავს, არც ვითხოვ და არც მაქვს ამის ამბიცია ყველანი ეს კარგად ვიცით. დღეს არსებული ჯანდაცვის მენეჯმენტის შეცვალა უნდა გადაიდოს მინიმუმ 3-4 თვით. კოვიდის “ომიკრონის” ვარიანტის გავრცელება სავარაუდოდ იქნება ყოველდღიურად გასამებული ანუ 10-30-90 და ასე შემდეგ. გამოიყენეთ სამედიცინო პირბადე. დაიცავით დისტანცია. გაიკეთეთ ფაიზერის ბუსტერი,“- წერს გიორგი ფხაკაძე.
