უკრაინის ჯანდაცვის საოლქო დეპარტამენტის ხელმძღვანელის მაქსიმ ბეზნოსენკოს განცხადებით, ქალაქ ნიკოლაევში რუსულმა ძალებმა ონკოლოგიური საავადმყოფო დაბომბეს. ამის შესახებ ინფორმაციას უკრაინული მედია ავრცელებს.
„სწორედ ახლა, ამ ბოროტმოქმედებმა ცეცხლი გაუხსნეს ონკოლოგიურ საავადმყოფოს. საავადმყოფო, რომელიც დახმარებას უწევს ონკოლოგიურ პაციენტებს ნიკოლაევის რეგიონიდან. თუ რუსეთი ონკოლოგიურ პაციენტებში ხედავს მტერს, რომელიც საფრთხეს უქმნის მას, ის არა მხოლოდ ავადმყოფია, უკვე აგონიაშია“, - განაცხადა ბეზნოსენკომ.
