ნაქერალას უღელტეხილზე და საჩხერე-უზუნთა-შქმერი-ზუდალის გზაზე მოძრაობა შეიზღუდა - ინფორმაციას საავტომობილო გზების დეპარტამენტი აქვეყნებს.
„ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე და საჩხერე(სარეკი)-უზუნთა-შქმერი-ზუდალის გზაზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია“, - ნათქვამია გავრცელებულ ინფორმაციაში.
