2022 წელს 2021 წელთან შედარებით, დანაშაულის რაოდენობა 3,39%-ით (-1908 ფაქტი) შემცირდა. ამის შესახებ აღნიშნულია მთავრობის წლიურ ანგარიშში, რომელიც პარლამენტს ბიუროს დღევანდელ სხდომაზე წარედგინება.
დოკუმენტში ნათქვამია, რომ შემცირებულია ისეთი მძიმე და განსაკუთრებით მძიმე კატეგორიის დანაშაულები, როგორიცაა – მკვლელობა, მკვლელობის მცდელობა, ჯანმრთელობის მძიმე დაზიანება, თავისუფლების უკანონო აღკვეთა, ყაჩაღობა, ქურდობა, მათ შორის, ბინიდან ქურდობა, თაღლითობა და სხვა.
მთავრობის ცნობით, უპრეცენდენტოდ მაღალია დანაშაულის გახსნის მაჩვენებელი, რომელიც 62%-ს აღემატება.
