ეროვნულ-დემკრატიული ინსტიტუტის (NDI) ახალი კვლევის თანახმად, საქართველოს მოსახლეობის 42% ამბობს, რომ არ აიცრება.
მოქალაქეებს 2021 წლის დეკემბერში დაუსვეს კითხვა შემდეგი ფორმულირებით: „გაიკეთებდით თუ არა კორონავირუსის საწინააღმეგო ვაქცინას?“
42%-მა უპასუხა „არა“;
29% — „უკვე ავიცერი“;
25% — „დიახ“
3% — „არ ვიცი“.
იგივე კითხვა NDI-მ მოსახლეობას 2021 წლის ივლისშიც დაუსვა და მაშინ მოსახლეობის 35% ამბობდა, რომ აიცრებოდა, უარყოფითი პასუხი გასცა 47%მა, „უკვე ავიცერი“ — 3%, „არ ვიცი“ — 11%.
ეს მონაცემები აჩვენებს, რომ ივლისიდან დეკემბრამდე 5 პროცენტული პუნქტით შემცირდა იმ ადამიანთა რიცხვი, ვინც ამბობდა, რომ არ აიცრებოდა, ასევე შემცირდა იმ ადამიანთა პროცენტული წილი, ვინც ამბობდა, რომ აიცრებოდა, თუმცა 3%-დან 29%-მდე გაიზარდა უკვე აცრილთა რაოდენობა.
იმ ადამიანებს, რომლებსაც აცრა არ უნდათ, NDI-მ ჰკითხა მიზეზის შესახებაც. მათგან 38% აღნიშნავს, რომ არ ენდბა ვაქცინის ხარისხს, 20% უარის მიზეზად ჯანმრთელობის მდგომრეობას ასახელებს, 15%-ს სჯერა, რომ პანდემიასთან გამკლავება ვაქცინის გარეშეც შეიძლება, 7%-ს სწამს, რომ ვაქცინაციას რაღაც სხვა მიზნები აქვს, 6% ზოგადად ვაქცინების წინააღმდეგია, 6% კი სხვა მიზეზებს ასახელებს.
აღნიშნული კვლევა 2021 წლის 7-13 დეკემბრის პერიოდში საქართველოს მასშტაბით 2,099 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.4 პროცენტი. რესპონდენტები შემთხვევით ნომერზე დარეკვის მეთოდით შეირჩნენ. კვლევა ჩაატარა CRRC-საქართველომ. NDI-ის კვლევა დიდი ბრიტანეთის მთავრობის UK aid-ის ფინანსური ხელშეწყობით ხორციელდება.
