მიხეილ სააკაშვილის გადაყვანა რუსთავის ციხიდან სამედიცინო კლინიკაში, არ დასტურდება. როგორც პენიტენციურის პრესსამსახურში განმარტეს, სასწრაფოსა და საბადრაგოს მანქანებით რუსთავის მე-12 ციხის ტერიტორიიდან, სხვა პატიმრის ჰოსპიტალიზება მოხდა: "არ არის მართალი. იმ დაწესებულების შესასვლელში არის კიდევ მეორე ციხე და სხვა დაწესებულებიდანაა გაყვანილი სხვა მსჯავრდებული - ამბობს პენიტენციურის წარმომადგენელი ნათია გედენიძე "მთავარი არხის" ეთერში გადაცემა "პოს ფაქტუმთან".
რუსთავის მე-12 ციხის ტერიტორიაზე სასწრაფოსა და საბადრაგოს მანქანები ცოტა ხნის წინ შეიყვანეს. მათ ტერიტორია მალევე დატოვეს.
ცნობისთვის, სოციალურ ქსელში საქართველოს მესამე პრეზიდენტი მიხეილ სააკაშვილი ციხიდან რესპუბლიკურ საავადმყოფოში გადაიყვანასთან დაკავშირებით, მედიის წარმომადგენლები წერდნენ, ამის შესახებ ტელეწამყვანმა ნანუკა ჟორჯოლიანმა სოციალურ ქსელში დაწერა.
"სასწრაფო დახმარების მანქანამ მიშა რესპუბლიკურში გადაიყვანა. ამათთვის რომ გეკითხათ, გადასარევად გრძნობდა თავს. იმედია მალე გვეტყვიან ამბავს, ჯანმრთელობის მდგომარეობის შესახებ." – წერს ნანუკა ჟორჟოლიანი.
