დეპუტატი, ყოფილი პარლამენტის თავმჯდომარე არჩილ თალაკვაძე, დღეს, მეუღლესთან ერთად "სინოფარმის" ვაქცინით აიცრა.
"მე და ჩემმა მეუღლემ, ქეთიმ დღეს გავიკეთეთ ცოვიდ19-ის საწინააღმდეგო ვაქცინა. მისასალმებელია, რომ “სინოფარმის” ვაქცინით ჩვენთან ერთად, ბევრი მოქალაქე აიცრა. მადლობას ვუხდი ინფექციური პათოლოგიების ცენტრს და მის სამედიცინო პერსონალს, ექიმებს და ექთნებს, ვინც თვეების განმავლობაში კოვიდ-პანდემიასთან ბრძოლის წინა ხაზზეა. მათ გასაგებად აგვიხსნეს აცრებთან დაკავშირებული აუცილებელი ინფორმაცია და წესები. ვაქცინაციით შეგვიძლია დავასრულოთ პანდემია"- წერს თალაკვაძე სოციალურ ქსელში.
