მარტვილის რაიონში 6 წლის ბავშვს ეძებენ. ინფორმაციას ბავშვის დედა სოციალურ ქსელში ავრცელებს და საზოგადოებას დახმარებას სთხოვს.
გთხოვთ დამეხმარეთ, დავკარგე შვილი მდინარე ცხენისწყალზე ბაბუას ჰყავდა თავის და-ძმასთან ერთად, 5 წუთში კი გაქრა. იქნებ ვინმემ რამე დაინახეთ, გთხოვთ, გამწარებული დედა გეხვეწებით, დამეხმარეთ იქნება ვინმემ სადმე ნახეთ, - წერს დედა.
მანამდე, ცნობილი გახდა, რომ ბავშვს მთელი დღის განმავლობაში მდინარე ცხენისწყალში ეძებდნენ. ამ დროისთვის, სამძებრო სამუშაოები სიბნელის გამო შეჩერებულია და დილიდან გაგრძელდება.
