რუსთაველის გამზირზე "შინ ევროპისკენ" აქცია ევროკავშირის, უკრაინის, მოლდოვასა და საქართველოს სახელმწიფო ჰიმნებით დაიწყო. აქციაზე სითყვით პირველი, მწერალი ლაშა ბუღაძე გამოვიდა.
"დღევანდელი ჩვენი დემონსტრაცია ისევ არის ორიენტირებული იმ მნიშვნელოვან ისტორიულ ფოკუსზე, რომელიც გულისხმობს საქართველოს ინტეგრირებას ევროკავშირის სივრცეში და ჩვენ ცხადია, არ დავიღლებით და ყოველთვის მანამდე შევიკრიბებით აქ და მანამდე გავაგრძელებთ ჩვენს პროტესტს, სანამ საქართველო არ მიიღებს კანდიდატის სტატუსს." – თქვა აქციის წამყვანმა ლაშა ბუღაძემ.
