"ქართული ოცნების" წევრი მამუკა მდინარაძე 2019 წლის 20 ივნისის, გავრილოვის ღამეზე საუბრისას, ამბობს, რომ შეცდომა კი არ იყო, ეს იყო ვერუზრუნველჰყოფა და ამ კუთხით თუ გინდათ შეცდომა დავარქვათ, არავინ ისურვებდა ამას.
"რაც შეეხება გავრილოვის ქეისს, შეცდომა კი არ იყო ეს იყო ვერუზრუნველჰყოფა და ამ კუთხით თუ გინდათ შეცდომა დავარქვათ, არავინ ისურვებდა ამას. პირველი ვიყავი მე პირადად, რომელიც იქ მივვარდი, გადაჭარბების გარეშე და ემოციაც არანაკლები მქონდა ვიღაცებზე, ისინი უბრალოდ უფრო გამოხატავენ ხოლმე, უბრალოდ გამიკვირდა ძალიან, რომ იქ დამხვდნენ ოპოზიციის წარმომადგენლები და როგორ მიმასწრეს დღემდე არ ვიცი ეს ამბავი. და შემთხვევითიც არ უნდა იყოს მთლად."
