ბელარუსის პრეზიდენტის, ალექსანდრე ლუკაშენკოს განცხადებით, ბელარუსისა და რუსეთის საკავშირო სახელმწიფო ლოკომოტივის როლს ასრულებს ინტეგრაციის პროცესების საერთო ნაკადში.
ლუკაშენკოს მტკიცებით, პოსტსაბჭოთა ქვეყნებმა, სწრაფი ერთიანობისა და კონსოლიდაციის, სახელმწიფოთაშორისი კავშირების გაძლიერების გარეშე, შესაძლოა, მომავალში არსებობა შეწყვიტონ.
"დღეს, პოსტსაბჭოთა სივრცის ქვეყნები გულწრფელად უნდა იყვნენ დაინტერესებული საკავშირო სახელმწიფოსთან დაახლოებით, თუ, რა თქმა უნდა, სურთ შეინარჩუნონ სუვერენიტეტი და დამოუკიდებლობა. ჩვენ დარწმუნებულები ვართ, რომ მხოლოდ ერთად შეგვიძლია წინააღმდეგობა გავუწიოთ გლობალურ გამოწვევებს", - განაცხადა ლუკაშენკომ.
