პრემიერ-მინისტრი ირაკლი კობახიძე ბიზნესსექტორის წარმომადგენლების კრიტიკულ განცხადებებს მათ მიმართ ზეწოლით ხსნის და ლიბერალურ-ფაშისტურ ბულინგს უკავშირებს, - მან ამის შესახებ პრესკონფერენციაზე, BMG-ის ჟურნალისტის კითხვის საპასუხოდ განაცხადა.
კობახიძემ 2028 წლამდე ევროკავშირთან მოლაპარაკებების დღის წესრიგიდან მოხსნაზე განცხადების შემდეგ საზოგადოების თუ საჯარო მოხელეების ნაწილის რეაქციები წაკითხულის გააზრების პრობლემას დაუკავშირა.
"მე გეტყვით რა არის ამ განცხადებების მიზეზი და ეს უკვე გითხარით ჩემს ბრიფინგზე. ამ შემთხვევაში, მიზეზი არის არა წაკითხულის ვერ გააზრება, არამედ ის ლიბერალურ-ფაშისტური ბულინგი, რომელიც ხორციელდებოდა ბიზნესმენებზე. ლიბერალური ფაშიზმი თუ რამეს დაესხა თავს, პირველ რიგში ეს იყო ბიზნესი, სპორტსმენები, ხელოვანები და ა.შ. ქოლ-ცენტრებს ამუშავებდნენ. მაგალითად, ერთ კონკრეტულ სპორტსმენს მიუვიდა ათასამდე მესიჯი, ხმოვანი შეტყობინება Facebook-ზე, WhatsApp-ზე და სხვა საშუალებებით. იგივე ხდებოდა ბიზნესებთან მიმართებით, მიდიოდა პირდაპირი ზეწოლა და შანტაჟი ბიზნესმენების წინააღმდეგ და ესაა შედეგი",- განაცხადა კობახიძემ.
