კახი კავსაძის ჯანმრთელობის მდგომარეობა მძიმეა და რეანიმაციულ განყოფილებაში აგრძელებს მკურნალობას. ამის შესახებ საინფორმაციო სააგენტო BUSINESS TIME-ს პირველი საუნივერსიტეტო კლინიკის ხელმძღვანელმა, ლევან რატიანმა განუცხადა.
“ბატონი კახი ჩვენი კლინიკის რეანიმაციულ განყოფილებაში ინტენსიურ მკურნალობას გადის უკვე თვეზე მეტია. მისი ჯანმრთელობის მდგომარეობა მძიმედ რჩება, თუმცა მართვით სუნთქვაზე არ იმყოფება”- განაცხადა ლევან რატიანმა.
შეგახსენებთ, რომ მსახიობს ნოემბერში კორონავირუსი დაუდგინდა, ვირუსისგან გამოჯანმრთელების შემდეგ ის კლინიკიდან გაწერეს. მოგვიანებით კი, ჯანმრთელობის მდგომარეობის დამძიმების გამო კვლავ კლინიკის რეანიმაციულ განყოფილებაში მოათავსეს.
