დანიის ფეხბურთის ფედერაციის ინფორმაციით, 29 წლის ნახევარმცველს, კრისტიან ერიქსენს გულმკერდში იმპლანტირებულ კარდიოვერტერულ დეფიბრილატორს (ICD) ჩაუდგამენ. ეს მოწყობილობა გულის მუშაობის რიტმს არეგულირებს.
“მას შემდეგ, რაც კრისტიანმა გულის სხვადასხვა გამოკვლევა ჩაიტარა, გადაწყდა, რომ მისთვის იმპლანტირებული კარდიოვერტერული დეფიბრილატორია საჭირო. ეს მოწყობილობა აუცილებელია გულის შეტევის შემდეგ, რიტმის დარღვევის გამო.
კრისტიანი დაეთანხმა ამ გამოსავალს, გეგმას კი ადასტურებენ და მკურნალობის ასეთ გზას რეკომენდაციას უწევენ სპეციალისტები.
ჩვენ მოგიწოდებთ ყველას, რომ მიეცით თავისუფლად ყოფნის საშუალება ერიქსენსა და მის ოჯახს,” – წერია დანიის ფეხბურთის ფედერაციის განცხადებაში.
