უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, კოვიდგადატანილი პირები, როლებიც ერთი დოზით არიან ვაქცინირებულები, სრულად ვაქცინირებულებს უთანაბრდებიან. ამის შესახებ მან დღევანდელ ბრიფინგზე განაცხადა.
"მსოფლიო პრაქტიკის გათვალისწინებით, საბჭომ განიხილა და მიიღო გადაწყვეტილება და კოვიდგადატანილი პირები, რომელთაც აქვთ ერთი დოზა ვაქცინა გაკეთებული, გათანაბრდებიან ორი დოზით ვაქცინირებულ პირებთან და მათზეც გავრცელდება ის რეგულაცია, რაც არის სრულად ვაქცინირებული პირებისთვის," - განაცხადა გიორგი ღიბრაძემ.
ღიბრაძემ დააკონკრეტა, რომ რეგულაციებში იგულისხმება როგორც ქვეყანაში შემოსვლა, ასევე იმ ღონისძიებებზე დასწრება, სადაც მხოლოდ 2 ჯერადად ვაქცინირებული პირები დაიშვებიან.
