ვულკანის ამოფრქვევას კონგოში 15 ადამიანი ემსხვერპლა. ადგილობრივი ხელისუფლება გარდაცვლილთა რიცხვის ზრდას ვარაუდობს.
ლავამ დასახლებულ ტერიტორიებამდე მიაღწია, რის გამოც ასობით სახლი და შენობა განადგურდა.
UNICEF-ის ინფორმაციით, დაკარგული ასობით ადამიანს შორის, 170-მდე ბავშვია. ტერიტორია ათასობით პირმა დატოვა.
შეგახსენებთ, რომ ვულკანი ბოლოს 2002 წელს ამოიფრქვა, რა დროსაც 250 ადამიანი დაიღუპა, 120 ათასი კი უსახლკაროდ დარჩა.
