ჩვენ არ გვაქვს დიპლომატიური ურთიერთობები რუსეთთან, - ასე უპასუხა საქართველოს პრემიერ-მინისტრმა ირაკლი კობახიძემ Euronews-ის ჟურნალისტის კითხვას, თუ როდის ჰქონდა ბოლო საუბარი კრემლთან.
პრემიერის თქმით, საქართველოს ხელისუფლებას კომუნიკაცია დასავლელ პარტნიორებთან აქვს ევროპასა და აშშ-ში.
„საქართველო, ალბათ ერთადერთი ქვეყანაა რეგიონში, რომელსაც არ აქვს დიპლომატიური ურთიერთობები რუსეთთან.
ჩვენ გვაქვს კომუნიკაცია ჩვენს დასავლელ პარტნიორებთან ევროპასა და აშშ-ში. ასეთია სურათი, დღეის მდგომარეობით,”- აღნიშნა ირაკლი კობახიძემ.
პრემიერ-მინისტრთან ინტერვიუ Euronews-ის ეთერში დღეს, თბილისის დროით 23:00 საათზე გავა.
აღნიშნულ ინფორმაციას მთავრობის ადმინისტრაცია ავრცელებს.
