დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, საზოგადოების მხრიდან მოთხოვნა გაზრდილია აცრაზე და საჭიროა ამცრელი პუნქტების დამატება.
"ხალხს, მეტს უნდა აცრა, ვიდრე ვაწოდებთ, ამიტომ საჭიროა მეტად გავაინტენსიუროთ. დღეისთვის უკვე 161 ბრიგადა ცრის, მაგრამ ზოგიერთი ბრიგადა რაიონში არ მუშაობს ყოველდღიურ რეჟიმში და გვინდა, რომ ამ შემთხვევებში 7 დღიან სამუშაო რეჟიმზე გადავდიდეთ. შესაბამისი წახალისება მივცეთ სპეციალისტებს, რომლებიც მუშაობენ შაბათ-კვირას. გვინდა 200 ბრიგადამდე ავიდეს ამცრელთა რაოდენობა. ნორმალურ ვითარებაში 42-დან 50-მდე აცრას აკეთებს დღეში თითო ბრიგადა, აქედან გადამრავლებული სიმძლავრე გვექნება. ხოლო ივლისის ბოლომდე 300-მდე უნდა იყოს ბრიგადა. ამ ეტაპზე ბევრ ადამიანს უნდა ვაქცინაცია და პრობლემა აქვს თბილისში ჩაწერაზე, ამიტომ მრავლდება ამცრელი კაბინეტები", - განაცხადა ამირან გამყრელიძემ.
მისივე თქმით, დღეისთვის "სინოფარმით" აცრილია 10 ათასი ადამიანი და ჯავშანი გაკეთებული აქვს 30 ათასს.
