ლუგანსკის რაიონში ქალაქ პოპასნაიას დაბომბვის დროს რუსეთის საოკუპაციო ჯარებმა ფოსფორის საბრძოლო მასალა გამოიყენეს.
ინფორმაციას უკრაინული მედია ავრცელებს.
როგორც, ლუგანსკის ოლქის ხელმძღვანელმა, სერგეი გაიდაიმ განაცხადა, ქალაქი პოპასნაია დღეს დაიბომბა.
სერგეი გაიდაი სოციალურ ქსელ „ფეისბუქში“ ქალაქში გადაღებულ ფოტო და ვიდეომასალას აქვეყნებს და აცხადებს, რომ რუსი სამხედროები პოპასნაიაში ფოსფორის საბრძოლო მასალას იყენებენ, რაც ჟენევის კონვენციით არის აკრძალული.
