პარლამენტის იურიდიულ საკითხთა კომიტეტის სხდომაზე, „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა. კანონპროექტის განხილვა თითქმის 11 საათის განმავლობაში მიმდინარეობდა, ხმაურის ფონზე ჩატარდა.
კანონპროექტი საზოგადოებას საპარლამენტო უმრავლესობის ლიდერმა, მამუკა მდინარაძემ წარუდგინა, სხდომიდან სხვადასხვა დროს, ხმაურის და დაუმორჩილებლობის გამო თავმჯდომარემ გააძევა ოპოზიციონერი დეპუტატები. პარლამენტის თავმჯდომარის გადაწყვეტილებით, სხდომას არ ესწრებოდნენ ონლაინ-მედიის და რადიოს ჟურნალისტები.
მამუკა მდინარაძეს ოპოზიციონერმა დეპუტატებმა, ასევე არასამთავრობო სექტორის წარმომადგენლებმა წარუდგინეს არაერთი არგუმენტი, თუ რატომ არის კანონი რუსული და რატომ გამოიწვევს ის ორგანიზაციების გაქრობას, თუმცა კანონპროექტის წარდგენის შემდეგ მდინარაძემ განაცხადა, რომ დღეს არცერთი არგუმენტი არ მოუსმენია იმის შესახებ, თუ რატომ არის კანონი რუსული.
კანონპროექტის განხილვა პარლამენტის წინ მიმდინარე საპროტესტო აქციის ფონზე მიმდინარეობდა.
