იტალიაში მოღვაწე ქართველი ექიმი დავით მათიაშვილი სოციალურ ქსელში საქართველოსა და იტალიას შორის პარალელს ავლებს ეპიდსიტუაციასთან დაკავშირებით და წერს, რომ იქ ცხოვრება ჩვეული რიტმით მიმდინარეობს, ვინაიდან მოსახლეობის 65% აცრილია.
“ მინდა გითხრათ, რომ საქართველოში არსებულმა სიტუაციამ შეიძლება გაგიჩინოთ შეგრძნება რომ ყველგან ეგრეა , მაგრამ არა მეგობრებო.
აქ ქუჩები ცარიელი კომენდანტის საათის გამო არ არის, ხალხი ზღვაზეა, ისვენებს!
იტალიაში დუღს ცხოვრება, არანაირი რეგულაცია, გარდა ვაქცინაციის საბუთებისა, რესტორნებში და სხვადასხვა დაწესებულებებში.
მოსახლეობის 65% აცრილია.
კლინიკებში კოვიდიანი მძიმე პაციენტები კი არა კოვიდის თემაც კი გამქრალია.
ჩვენ კი ვისაუბროთ ჩიპებზე ჯვარცმებზე და ასე შემდეგ.
P.S ქართულ კოვიდ პასპორტებს, მათ შორის ფაიზერის, ევროპა არ აღიარებს. იმედია მალე გამოსწორდება”- წერს მათიაშვილი.
