ისლანდიაში ვულკანი ამოიფრქვა. ადგილობრივი მედიის ცნობით, ამოფრქვევა დედაქალაქიდან 25 კილომეტრის დაშორებით მოხდა.
როგორც ცნობილია, მანამდე მომხდარს წინ უძღოდა რამდენიმე მიწისძვრა. საგანგებო სიტუაციების დეპარტამენტი მომწამვლელი გაზების გამო ადგილობრივებსა და ტურისტებს სიფრთხილისკენ მოუწოდებს. ამ დროისთვის, ქვეყნის მიმართულებით საერთაშორისო ფრენები შეუფერხებლად მიმდინარეობს.
