ირანში ინტერნეტი გათიშეს - ამის შესახებ ინფორმაციას "მთავარი არხი" ადგილობრივებზე დაყრდნობით ავრცელებს.
მანამდე, 22 სექტემბერს ქვეყანაში Instagram-სა და WhatsApp-ზე წვდომა შეზღუდეს, რაც ბოლო სოციალური ქსელები იყო, რომლებიც ქვეყანაში ფუნქციონირებდა.
გარდა ამისა, მაშინ ვრცელდებოდა ინფორმაცია, რომ კავშირი ირანის მობილური ტელეფონის პროვაიდერმაც დაკარგა.
ამ ინფორმაციის გასაჯაროების შემდეგ კი SpaceX-ის დამფუძნებელი ილონ მასკი ირანში Starlink-ების გაგზავნის ინიციატივით გამოვიდა.
შეგახსენებთ, რომ ირანში საპროტესტო აქციები ჰიჯაბის ტარების კანონის დარღვევის გამო დაპატიმრებული 22 წლის უფლებადამცველი ქალის, მაჰსა ამინის გარდაცვალებას მოჰყვა. პროტესტი ირანის 20-ზე მეტმა ქალაქმა მოიცვა, ბოლო ინფორმაციით საპროტესტო აქციაზე მინიმუმ 31 ადამიანი დაიღუპა.
წყარო: მთავარი არხი
