საქართველოში მშვიდობის მთავარი გარანტი არის ბიძინა ივანიშვილი და მის მიმართ უკვე მოქმედებს დე ფაქტო სანქციები, როგორც კი დაიწყო ომი უკრაინაში, მას გაუყინეს თანხები, რის გამო?!, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.
მთავრობის მეთაურის თქმით, როგორც კი დაიწყო ომი უკრაინაში, ბიძინა ივანიშვილს გაუყინეს თანხები.
„ბიძინა ივანიშვილს ფაქტია, რომ გაუყინეს ორი მილიარდი დოლარი მას შემდეგ, ორ კვირაში, რაც დაიწყო უკრაინაში ომი. რის გამო? რომ არ დავაწესეთ სანქციები ხელისუფლებამ და არ გავაგზავნეთ მთავრობის ოფიციალური თანხმობით მებრძოლი მოხალისეები უკრაინაში? ეს არის რეალური ვითარება, დანარჩენზე საზოგადოება გამოიტანს საკუთარ დასკვნებს“, – განაცხადა კობახიძემ.
