საქართველოს პრემიერ-მინისტრი, ირაკლი ღარიბაშვილი ბრიფინგს გამართავს. შესაბამის ინფორმაციას მთავრობის ადმინისტრაცია ავრცელებს.
საქმე ის არის, რომ დღეს მთავრობის ადმინისტრაციაში მინისტრთა კაბინეტის სხდომა გაიმართა. არც სხდომის დაწყებამდე და არც სხდომის დასრულების შემდეგ განცხადება მთავრობის არცერთ წევრს არ გაუკეთებია.
მთავრობის ადმინისტრაციამ კი გაავრცელა ანონსი, რომლის თანახმად, ირაკლი ღარიბაშვილი განცხადებას დღეს, 17:00 საათზე გააკეთებს.
