ინდოეთში მყოფ საქართველოს არც ერთ მოქალაქეს კორონავირუსი არ უფიქსირდება. ამის შესახებ „ინტერპრესნიუსს“ საქართველოს საგარეო საქმეთა სამინისტროში განუცხადეს.
მათივე ინფორმაციით, საელჩო ინდოეთში მყოფ საქართველოს მოქალაქეებთან მუდმივ კომუნიკაციაში იმყოფება.
ცნობისთვის, ინდოეთში, გასული დღის განმავლობაში კორონავირუსს 3 286 ადამიანის სიცოცხლე ემსხვერპლა და დაღუპულთა საერთო რაოდენობამ 200 000-ს გადააჭარბა. ქვეყანაში მნიშვნელოვნად მატულობს ინფიცირების შემთხვევები. აღსანიშნავია, რომ მხოლოდ გასული კვირის განმავლობაში ინდოეთში 2 მილიონზე მეტი ადამიანი დაინფიცირდა. მედიის ინფორმაციით, დედაქალაქ დელიში არსებულ კრემატორიუმები გადატვირთულია და დაღუპულების ოჯახების წევრებსა და ახლობლებს საათობით უწევთ ლოდინი.
წყარო: IPN
