ჯანმრთელობის მსოფლიო ორგანიზაციის დირექტორის ტედროს ადანომ გებრეისუსის განცხადებით, მსოფლიოში პანდემია ჯერ არ დასრულებულა და შესაძლოა, ახალი შტამები გამოჩნდეს.
„ჩვენ დავინახეთ, როგორ ხდება ვირუსის განვითარება, მუტაცია. ამიტომ ვიცით, რომ იქნება კიდევ მეტი შტამი, რომლებიც შეშფოთებას იწვევს. ამიტომაც, ჯერ პანდემიის დასასრულს არ მივახლოებივართ”, – განაცხადა უწყების ხელმძღვანელმა.
მან კიდევ ერთხელ მოუწოდა მოსახლეობას, რომ ვაქცინა ახლა საუკეთესო გამოსავალია და ამ შემთხვევაში ყველაფერი უნდა გავაკეთოთ, რომ ჩვენ შევუწყოთ ხელი პანდემიის დასრულებას.
