ჯანდაცვის მინისტრის ეკატერინე ტიკარაძის შეფასებით, მთავრობამ და ჯანდაცვის სამინისტრომ შეძლო და ქვეყანაში ანტივაქსერული კამპანია გადაეტეხა.
როგორც მინისტრმა „რუსთავი 2“-ის ეთერში განაცხადა, ვაქცინირებული მოქალაქეების რაოდენობა ყოველდღიურად იმატებს .
„არაერთხელ გაკრიტიკებული კომუნიკაციის მიუხედავად, ჩვენ შევძელით და გადავტეხეთ ის ანტივაქსერული კამპანია რომელიც იყო. გუშინ აცრილების რეკორდული მაჩვენებლი გვქონდა და 3 600-ზე მეტი მოქალაქე აიცრა, ასევე ძალიან დიდი აქტივობა შეიმჩნევა დღესაც. იმ რეესტრში, სადაც ვაქცინასთან მიმართებით მოქალაქეების აქტიურობას ვაკვირდებით, მოთხოვნა გაზრდილია და მოთხოვნის ზრდის პარალელურად მიწოდებასაც ვზრდით, რაც იმის საფუძველს გვაძლევს, რომ ვთქვათ - საქართველოში ვაქცინის სარგებელთან დაკავშრებით დადებითი დინამიკაა“, - განაცხადა ეკატერინე ტიკარაძემ.
