ფინეთის პრეზიდენტის საული ნიინისტო ამბობს, რომ თურქეთის პრეზიდენტთან რეჯეფ თაიფ ერდოღანთან "ღია და პირდაპირი" საუბარი ჰქონდა.
"ღია და პირდაპირი საუბარი მქონდა თურქეთის პრეზიდენტ ერდოღანთან. განვაცხადე, რომ როგორც NATO-ს მოკავშირეები ფინეთი და თურქეთი ერთგული იქნებიან ერთმანეთის უსაფრთხოების მიმართ და ამით ჩვენი ურთიერთობა გაძლიერდება. ფინეთი გმობს ტერორიზმს მისი ყველა ფორმითა და გამოვლინებით. ახლო დიალოგი გრძელდება",- დაწერა საული ნიინისტომ.
ცნობისთვის, ფინეთმა და შვედეთმა NATO-ში გაწევრიანებას მხარი ოფიციალურად დაუჭირეს. 13 მაისს თურქეთის პრეზიდენტმა თქვა, რომ შესაძლოა, თურქეთმა მხარი არ დაუჭიროს ფინეთისა და შვედეთის NATO-ში გაწევრიანებას.
