გარემოს ეროვნული სააგენტოს ცნობით, 4 სექტემბრიდან საქართველოში მოსალოდნელია გრილი და ნოტიო ჰაერი მასების გავრცელება, ჰაერის ტემპერატურა კი მნიშვნელოვნად დაიკლებს.
ამასთან, გარემოს ეროვნული სააგენტოში აცხადებენ, რომ ზღვაზე მოსალოდნელია 2-3 ბალიანი ღელვა.
„4 სექტემბრიდან საქართველოში მოსალოდნელია გრილი და ნოტიო ჰაერის მასების გავრცელება, რის გამოც დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, ზოგან ძლიერი, იქროლებს დასავლეთის მიმართულების ძლიერი ქარი. ჰაერის ტემპერატურა მნიშვნელოვნად დაიკლებს. ზღვაზე მოსალოდნელია 2-3 ბალიანი ღელვა“, – ნათქვამია სააგენტოს მიერ გავრცელებულ ინფორმაციაში.
