ეროვნული გამოცდების პირველადი შედეგები ყველა საგანში უკვე ცნობილია. დღეიდან კი აბიტურიენტებს შესაძლებლობა აქვთ გამოცდების ცენტრს სააპელაციო განცხადებით მიმართონ.
"აბიტურიენტებმა აპელაციები უნდა გააკეთონ ონლაინ - შევიდნენ ჩვენს ვებგვერდზე და იქ არის დეტალური ინსტრუქცია, თუ როგორ უნდა შეავსონ სააპელაციო განაცხადი. შემოწმება ხდება თავიდან, დამოუკიდებელი კომისიის მიერ, შესაბამისად, შესაძლებელია როგორც ქულის მომატება, ასევე დაკლება,"- აცხადებს შეფასებისა და გამოცდების ეროვნული ცენტრის დირექტორი სოფო გორგოძე.
10 აგვისტომდე აპლიკანტებს საგანმანათლებლო პროგრამების მითითებისა და შეცვლის საშუალება აქვთ. წელს ერთიან ეროვნულ გამოცდებზე სულ 38000-მეტი ადამიანი დარეგისტრირდა აქედან საგამოცდო ცენტრებში 94% გამოცხადდა.
