საფრანგეთის პრეზიდენტი ემანუელ მაკრონი სოციალურ ქსელში რუსეთის პრეზიდენტთან ვლადიმერ პუტინთან დღევანდელ საათნახევრიან სატელეფონო საუბარს ეხმაურება და აცხადებს, რომ პუტინი უკრაინაზე შეტევის შეწყვეტას არ აპირებს.
„დღეს დილით ვესაუბრე პრეზიდენტ პუტინს. ამ ეტაპზე ის უარს აცხადებს უკრაინაზე შეტევის შეწყვეტაზე“, - აღნიშნა მაკრონმა.
საფრანგეთის ლიდერის აზრით, მნიშვნელოვანია დიალოგის შენარჩუნება ადამიანური ტრაგედიების თავიდან ასაცილებლად.
„გავაგრძელებ ძალისხმევას და კონტაქტს. ჩვენ უარესი უნდა ავირიდოთ თავიდან“ , - წერს მაკრონი „ტვიტერზე“.
