ასე უპასუხა მან ჟურნალისტის კითხვას, რომელიც პენიტენციური სამსახურის მიერ მიხეილ სააკაშვილის კადრების გასაჯაროებას ეხებოდა. დეგნანი მიიჩნევს, რომ მთავრობამ უნდა უზრუნველყოს როგორც მისი პირადი სივრცის ხელშეუხებლობა, ასევე სამართლიანი სასამართლო უფლება.
“მთავრობის მოვალეობაა მისი უფლებების დაცვა უზრუნველყოს. ასევე პასუხისმგებელია იმაზე, რომ ის მისი საჭიროების შესაბამის სამედიცინო და ფსიქოლოგიურ მომსახურება მიიღოს. ამასთან, ჰქონდეს სამართლიანი სასამართლოს უფლება, სწორედ ეს არის მთავრობის პასუხისმგებლობა. მაშინ, როცა სასამართლო პროცესი და საქმის მოსმენა მიმდინარეობს, ეს ყველაფერი ადამიანის ძირითადი უფლებების დაცვით უნდა წარიმართოს, ასევე დაცული უნდა იყოს მისი პირადი სივრცის ხელშეუხებლობა და სამართლიანი სასამართლოს უფლება”,-აცხადებს დეგნანი.
სპეციალურმა პენიტენციურმა სამსახურმა კადრები 14 დეკემბერს გამოაქვეყნა. მასში ჩანს კლინიკა "ვივამედში" პატიმრობაში მყოფი მიხეილ სააკაშვილი. მისმა ადვოკატმა შალვა ხაჭაპურიძემ თქვა, რომ კადრების გავრცელებაზე სააკაშვილს თანხმობა არ გაუცია.
